Náms- og starfsráðgjöf í Hlíðaskóla

Í Hlíðaskóla er  Náms- og starfsráðgjafi í 100% starfshlutfalli. Námsráðgjafi er trúnaðarmaður nemenda og stendur vörð um velferð þeirra. Hann liðsinnir nemendum í málum er snerta skólavist þeirra og veitir þeim ráðgjöf um hvernig þeir geti fengið úrlausn sinna mála.  Náms- og starfsráðgjafinn vinnur bæði með einstaklingum og hópum. Öllum nemendum og foreldrum/forráðamönnum eru velkomið að leita til náms- og starfsráðgjafa.

 

Náms- og starfsráðgjafi vinnur í samstarfi við foreldra eftir því sem við á. Einnig hefur hann samráð og samstarf við aðra sérfræðinga innan eða utan skólans, s.s. sérkennara, hjúkrunarfræðing, skólasálfræðing og vísar málum til þeirra í samráði við nemendur og foreldra. Náms- og starfsráðgjafi er bundinn þagnaskyldu.

Teikning af tveimur ráðgjöfum í hægindastólum.

Helstu verkefni náms- og starfsráðgjafa

  • Veitir nemendum ráðgjöf um náms- og starfsval og fræðir þá um nám, störf og atvinnulíf
  • Leiðbeinir nemendum um árangursrík vinnubrögð í námi
  • Hjálpar nemendum að finna lausn á persónulegum málum sem hindra þá í námi
  • Tekur þátt í að skipuleggja náms- og starfsfræðslu í skólanum
  • Býr nemendur undir flutning milli skóla og skólastiga með skipulögðum kynningum
  • Aðstoðar nemendur við að gera sér grein fyrir eigin áhugasviðum og styrkleikum
  • Sinnir fyrirbyggjandi starfi með fræðslu og ráðgjöf

 

 

Hafa samband

Náms- og starfsráðgjafi Hlíðaskóla:

 

Eva Hlín Samúelsdóttir